العودة   منتديات روعة الخليج > المنتديات المتخصصه > منتدى الجرائم والحوادث الغريبة

منتدى الجرائم والحوادث الغريبة أخبار ، رعب ،عنف ،جريمة ,حقائق مخفية ,دنيا العجائب

الإهداءات
همس القوافي : ممساء الخير ، اشتقت لهالحته وللي ففيها    

إضافة رد
الصورة الرمزية الفيصل  
افتراضي

 

بـــــــــــــــــاك


1) هل تحب أفلام الرعب ؟... و ما هواحساسك عند مشاهد لقطات الدامية...؟

واللهي انا ماحب هالافلام كثير بس احب الاكشن الي فيها دم كثير يعني احب اشوف منظر الدم والحركتات هذي استمتع اتفرج على عملية والا على واحد يعذب واحد وتسذا يعني




2)هل سبق لك و شهدت حد قصاص...؟
لا والله ودي اشوف بس ماتحققت للحين امنيتي



و ما هو شعورك....؟
لاشفت علمتكم هع




3)أنت شرير....؟ و ما هي نسبة الشر لديك ...؟

لا ولله الحمدلله موب شرير مره بس احيانا احب اصير شراني في المقالب وتسذا ..



4) ما هو العضو اللي يسببلك الرعب هووون .....؟

محدش كلكم مسالمين فديتكم ...




5) ما هو اكثر موقف مرعب مر عليك في حياتك....؟ و كيف تصرفت....؟

والله اكثر موقف حسيت برعب وقلبي بغى يوقف هو يوم امي وابوي صار عليهم حادث وهم مسافرين .. وكانوا بالطريق وبالليل وبوادي يعني مافيه احد بيشوفهم عشان يسعفهم .. وجوالاتهم اتقفلت .. وانت بمدينة تبعد عنهم 800 كيلو بالنسبة لي هذي اللحظه ارعب لحظه مرت علي بحياتي الله لايعيدها ولاتعيشونها يارب ..




6) سبق لك سويت مقلب مرعب في أحد من رفاقك ....؟ اذكر لنا المقلب و ردة فعل الشخص اللي سويته فيه ...؟

اذكر سويت مقلب يوم بالمتوسط ايام قبل انا واحد من اخواني في ولد عمي عبود عبدالله ذا عنده عقده من العجوز ام عصا الي بافلام كرتون تذكرونه ؟؟ كان عنده اعتقاد الغبي انها بتجيه من الشباك وتلقطه وهو نايم < |~ عاد انا واخوي قررنا نخلصه من هالعقده << توقع بس


المهم شخطت على وجهي ومسكت اللحاف وتغطيت فيه وطلع بس وجهي وباقي جسمي مغطيه وماسك معي عصا مكنسه << ضابط الدور المهم واتفق مع الدوب اخوي انه يطفي النور ويصكر الباب بسرعه ويخليني اانا وهو لحالنا بالغرفه وانا اندسيت ورا الباب وهم جوا وجلسوا وشغلوا تلفزيون وشبكوا السوني المهم ويقوم اخوي وبسرعه يطفي النور ويصكر الباب وهو قال وجع تعال بلا هبال مادرا الا الي يناظر له قباله << كان ورا الباب واطلع عيوني قدام هو عاد برد وجهه قال تسذا >> ويصرخ صرخه انا ارتعت منها قلت الله يلعن شكله بيوقف قلبه علي واصرخ قلت لاتخاف مزحه مزجه ومير يقوم يتمردس بطني وعقبها حرمت اسوي مقلب باحد يوقف قلبه وابلش..




7) سبق لحد سوا فيك مقلب مرعب...؟ اذكر لنا الموقف و ردة فعلك...؟
ايه مشعل اجعل قلبه للفضخ قبل يندس ولاشافني مندمج والاسرحت طب فجاءه وخرش قلبي .. واذكر واحد من اخواني هو دايمن يهوجس ودايمن احب اطلع بوجهه فجاءه ويهاوشني يقول بيجي يوم وتوقف قلبي وانا اموت ضحك على شكله لارتاع
وجاء مره وسواها فيني قمطت العافيه وحسيت بمعاناته


8) اغمض عينيك و تخيل ما يلي... جثه متحلله عليها دود و بتاكل منها الفأران, و بنفس الوقت اصابع الجثه لسه بتتحرك و انت واقف جنبها بمقبره مهجورة و فجأة اسمعت صوت حركه خلفك.... و لما استدرت لقيتها نفس الجثه واقفه خلفك و لما نضرت مرة ثانية قدامك لقيتها مكانها....؟؟؟؟
السؤال: ما هو شعورك و أنت تتخيل نفسك في هذا الموقف الممتع ...؟

هو من ناحية ممتع فهو قمة المتعه << يسلك لها


الوكاد اني بقرا المعوذات ثم بيشوف غبرتي هههههههه



8) من هو العضو الذي تهديه الهدية التالية...- تذكره لزيارة مقبرة الرعب و الجرائم مع وجبة الفطور مجانا<< عصير دفادع و مخ قرد


الله مير يحوم تسبد عدوتس وش هالوجبة مير اهديها لكركر وفيصل المدير هع


9) اذكر لنا مواقف صارت لك مع الجن... و بدون اختصار...؟

هما سلمتس الله ولاهانوا الي يقرون حنا نغيب عن بيتنا تقريبا كل صيف ثلاث شهور نسافر وعاد البيت يصير فاضي وكبير مابه احد .. وعاد بسم الله علينا اسكنوه لبى قلوبهم عاد مسلمين هم هع
المهم ذاك اليوم كنت سهران عند التلفزيون تقريبا كانت الساعه ثلاث الفجر الا وقسم بالله اسمع صوت احد عندي يتنفس بقوة شفتوا الواحد لاكان يركض ووقف ياخذ نفس كيف يتنفس هذا هو الظاهر كان يتسابق هو وواحد لان صالاتنا طويله تصلح مضمار للركض < برا هع
المهم انا اول شي جلست اتسمع واهلي كلهم نايمين الا انا مير وانا اطنش واتابع التلفزيون لين خلص الفلم وطلعت نمت ومتى حسيت بالخوف يوم قمت اليوم الثاني << توه يستوعب



يعطيك العافيه غلو على هيك موضوع ..

 


التعديل الأخير تم بواسطة الفيصل ; 2010-04-29 الساعة 12:40 AM
رد مع اقتباس
الصورة الرمزية انسكآب.. !  
افتراضي

هههههههههههههههههههه
هههههههههههههههههه
هههههههههههههههههه


فيصل ذكرتني بمسلسل كان يجي بليل اشوفه لحالي
اهو مو يخوف لا بس ان البنت فيها حاله نفسيه

كان عرفتوه مسلسل ساره الي تمثل فيه حنان ترك

ماحب اشوفه لحالي وخاصه بليل



خخخخخخخخخخخخ

وحلوه مقلب هههههههههه

حق العصى العجوز >ههههههههههه
__________________
استغفرالله وأتوب إليه
رد مع اقتباس
الصورة الرمزية الفيصل  
افتراضي

ههههههههه اما تخافين من مسلسل ساره ؟؟

خلاص تبنا عن المقالب وهالحركتات ..
رد مع اقتباس
الصورة الرمزية انسكآب.. !  
افتراضي

هههههههههههههههه
اي وقسم اذا جتها الحاله تخرع اعوذ بالله
__________________
استغفرالله وأتوب إليه
رد مع اقتباس
الصورة الرمزية الغلا نجدي  
افتراضي

هههههههههههههههههههههههههههههههههههههههههههههههههه ههااي

وربي موتني ضحك <<من اول ودها ترد والنت معلق لعنه <<فيس يصيح


منور يالمهم >>خلاص ثبتت عليه اللقب*_^
رد مع اقتباس
الصورة الرمزية جنرال الرياض  
افتراضي


1- اموووت بآفلام الررعب بالنسبه للاحساس تخووف صرااحه بس مو افلام الرعب اللي فيها خياال ماحبها

2- حمد لله ماقد شفت قصاص بحياتي
3- ههههههههه حتى لو شرير منيب قايل شرير بس ان شاء الله اني احب لناس مثل مااحب لنفسي
4- الـــغـــلا نـــجـــدي عقب هالموضوع الله يستر منك هههههههههه
5- المواقف كثيره بس يمكن تطويق مزرعتنا وطلق النار اللي صار سبب خوووف والى يومك ماادري وش السالفه
6- اسوي مقالب بس ماتستاهل اني اذكرها لانها ماتوصل لسالفه مقلبتك يابوي حقت طاش هههه
7- نفس جواب السؤال السادس
8- تتوقع اني بعيش وبتكب الرد لك هههههههههه
9- امممممم صراحه مااهدي احد <<< عليك هدايا
10- مواقفي مع الجن كثيره صرااحه ولعلمك قد كلمتها والله قلت لهم فكوني من شركم هاذا طال عمرك بالديره في منطقه عندنا مشهوره بالجن وفيها المزرعه اللي قلت لكم عنها يجيني ترجيم هباال يطفون اللمبه علي شي زي كذا الى ان وصل بي الحال وانا جالس لحالي قلت لهم ياجماعيه الخير <<< مؤدب هههه فكوني من شركم اللي داخل علي وقتها بيتحمد ربه


وفي الاخير اشكرك على موضوعك الرائع وافكارك الحلوه
رد مع اقتباس
الصورة الرمزية الغلا نجدي  
افتراضي

ههههههههههههههههههههههههههههههه


ياهلا فيك منور موضووعي العفو خييو
رد مع اقتباس
الصورة الرمزية يكفيني غلاك  
افتراضي

1) هل تحب أفلام الرعب ؟... و ما هواحساسك عند مشاهد لقطات الدامية...؟

لا يحوشك .. احساسي هههههاي خليني ساكته أرحم




2)هل سبق لك و شهدت حد قصاص...؟
شفت تمثيل .. مره امسكت معاي شجاعه و يوم جت اللحظه الحاسمه غمضت عيوني <



و ما هو شعورك....؟
ببكي أكيد < يسمونها ام دميعه




3)أنت شرير....؟ و ما هي نسبة الشر لديك ...؟

لا الحمد الله .. ممكن 10 بالميه



4) ما هو العضو اللي يسببلك الرعب هووون .....؟

فديتكم كلكم بريئين




5) ما هو اكثر موقف مرعب مر عليك في حياتك....؟ و كيف تصرفت....؟

مره كنت بالسوق آنا و شذوووي وكنا نمشي بأمان الله وكانت ذيك الأيام منتشره سالفه بالكويت ان في عجوز بالمولات تسحر البنات وتخليهم يمشون وراها بدون وعي ومن خلال لمسة ايدهم .. فــ فطلعت آنا والخبله شذى بالأصانصير يوم جا بيسكر جت وحده عجوز اقعدت تضربه تبيه يفتح وتبي تركب معانا غصب كان شكلها ما يريح نهائيا
و افضحتنا شذى تصارخ وتقول سكريه بوجهها <




6) سبق لك سويت مقلب مرعب في أحد من رفاقك ....؟ اذكر لنا المقلب و ردة فعل الشخص اللي سويته فيه ...؟

آنا صاحبة مواقف بس مو مرعبه .. لأني ما أحب أخرع أحد






7) سبق لحد سوا فيك مقلب مرعب...؟ اذكر لنا الموقف و ردة فعلك...؟
مره وحده من بنات خالي حطت لي صرصور بلاستيكي بشنطتي .. يوم قعدت أدور موبايلي مسكته وطلعته
كل اللي أذكر اني بغى يوقف قلبي < حتى اذكر خالتي رشت بوجهي ماي عن الصدمه



8) اغمض عينيك و تخيل ما يلي... جثه متحلله عليها دود و بتاكل منها الفأران, و بنفس الوقت اصابع الجثه لسه بتتحرك و انت واقف جنبها بمقبره مهجورة و فجأة اسمعت صوت حركه خلفك.... و لما استدرت لقيتها نفس الجثه واقفه خلفك و لما نضرت مرة ثانية قدامك لقيتها مكانها....؟؟؟؟
السؤال: ما هو شعورك و أنت تتخيل نفسك في هذا الموقف الممتع ...؟


راح أقرى آية الكرسي و أتشهد <
< عليج خيال





8) من هو العضو الذي تهديه الهدية التالية...- تذكره لزيارة مقبرة الرعب و الجرائم مع وجبة الفطور مجانا<< عصير دفادع و مخ قرد

و لا احد < ماني ناقصه دعاوي من احد عندي اختبارات


9) اذكر لنا مواقف صارت لك مع الجن... و بدون اختصار...؟

مره كنا في البر طلعت انا وبنت خالي نتمشى برا على ما يحطون العشى وكانت الساعه 8 ونص تقريبا عاد احنا اذا طلعنا نتمشى كل دقيقه نلتفت عشان ما نبعد عن الخيام المهم فجأه بنت خالي اصرخت وقالت لي بعدي لما طالعت قدامي الا احنا قربنا للجمل حيل والله ما أنسى تقريبا قربت لوجهه < وكان نظامهم يحطون كل الحلال بالشبك باليل ما عدا هذا يكون برا
المهم يوم ردينا للخيمه كان باين علينا الخوف وقال خالي اشفيكم قلنا اننا ما حسينا قربنا للجمل حييييل جان ولد خالي يقول اي جمل ؟ أساسا كل الحلال مودينهم مكان ثاني من الصبح
يعني الظاهر اللي شفناه مو جمل جني
والله جابو لنا يومها ماي مقري عليه يــالله نمنا <




يعطيج العافيه غلووو ع التحقيق الحلو ..
رد مع اقتباس
الصورة الرمزية java^_~  
افتراضي

1) هل تحب أفلام الرعب ؟... و ما هو


احساسك عند مشاهدة اللقطات الدامية...؟

عـ،ـاشق افـلام الــرعب .. ما تهـمني اى لقطآآت بس الي يهمنـي ما تطوفني ولا لقـطه حتى لو كآنت شنو هههههههههههههههه < منجن على هالنوع من الافلام



2)هل سبق لك و شهدت حد قصاص...؟


و ما هو شعورك....؟


لا والله .. بس شفت تصــوير قصآآص مره وحده وما شغلته مره ثانيه كنت آفكر اقـوؤل شلون القصاص ما عنده قلب ههههههههههههههه


3)أنت شرير....؟ و ما هي نسبة الشر


لديك ...؟


مـؤو كثــيره .. بس لك علي شوي هههههههههههه


4) ما هو العضو اللي يسببلك الرعب


هووون .....؟


الـصرآحه محد .. كلهم اعتبرهم اخوآني وخوآتي وآعززهم



5) ما هو اكثر موقف مرعب مر عليك في


حياتك....؟ و كيف تصرفت....؟

آذكر بيوم نـزلت تحت بالـبيت الفجر عشـآن اشربـ مآي وانا اشربـ لقيــت عبأأيــه وطالــعه منهآآ بـس عيــن والفــجر ومافي احد بالـبيت بما انه بس انا وابوي وامي عايشين فالبيت اوفييييييييييييه ههههههههههههه ........... تصرفي بالموقف هذا اني عطيته ظـهري ورحت حطيـت القـلاص وآنا ادعي اني ما اشوفهآ اذا التفـت هههههههههههه


6) سبق لك سويت مقلب مرعب في أحد من


رفاقك ....؟ اذكر لنا المقلب و ردة فعل


الشخص اللي سويته فيه ...؟


آذكر هالسالفه قديــمه سويت برفيجي موقف بالـبر كنا يمكن 5 تعشينآ وطفينآ المكينه\ الماطور وجا وقت الـنوم والكـل انسـدح ... واتسبح واتفق انا ورفيجي الثاني انه نسوي مقلب وقعدنآ نخطط وتسحبنآ برى الخيمـه .. والي زاد الـرعب آكثر كانت فـي سنسله متعلقه على حـبل الخيمه وكنت احركهآ وتطلع صووت قووي ونركض عشان يسمع صووت الخبط ههههههههههههههه ..... موقفهم قـعـد يصآآرخ يقـولي وربي ياويلكم ااذا انتوا فلان وفلان قولولي تكفووون ههههههههههههههههه بس هالسالفه قديمه حييل

7) سبق لحد سوا فيك مقلب مرعب...؟ اذكر


لنا الموقف و ردة فعلك...؟

موقف جوني ربعي عند البيت عشان ياخذوني وطلعت وشفت سيارتهم ورايح بركب ولا اشوف شي كبير يلحقني ولا شآذي \ قـرررد ... كانت ايام يبيعون لبس القررد ههههههههههههههه ...... رده فعلي اذكر حركت ايدي ونحشت كيلو قدام ههههههههههههه



8) اغمض عينيك و تخيل ما يلي... جثه


متحلله عليها دود و بتاكل منها الفأران, و


بنفس الوقت اصابع الجثه لسه بتتحرك و انت


واقف جنبها بمقبره مهجورة و فجأة اسمعت


صوت حركه خلفك.... و لما استدرت لقيتها


نفس الجثه واقفه خلفك و لما نضرت مرة


ثانية قدامك لقيتها مكانها....؟؟؟؟


السؤال: ما هو شعورك و أنت تتخيل نفسك


في هذا الموقف الممتع ...؟


مــوقف جمــيل ودي اجرررب ههههههههههههههههههههه جد ما امزززح
ما اخاااف بس احس فيه آكششن وضحك راح يصير


8) من هو العضو الذي تهديه الهدية التالية...


- تذكره لزيارة مقبرة الرعب و الجرائم مع


وجبة الفطور مجانا<< عصير دفادع و مخ قرد


آآمم خرررش عشـآآن اضحك ويضحك ونفلهأإأإ ههههههههه


9) اذكر لنا مواقف صارت لك مع الجن... و


بدون اختصار...؟

قلت لك الموقف الآول كان مع جـن .. بس في سالفه كنت اطالع فلم رعب بروحي بدوانيه ومطفي الليتات والجو حلـؤ ومندمج وآتــآمل ببـحر الـرعب هههههههههههههه ... بعـدين قمت اسمع صووت عند المغاسل في صوت ماااي رحت ولا اشــوف المغـآسل اثنينهم مفتوحيين واسكرهمــ وارجع اسكر الفلم واحط رآسي وانام بلا فلم رعب بلا خرآبيط ههههههههههههههههههه < جاه وقت الجد^_~


يسـلمؤوؤ على الـموضوع الجمـيل
__________________
اللهم إني آشهد بآنك آنت الله الذي لا إله إلا آنت ألاحد الصمد الذي لم يلد ولم يولد ولم يكن له كفوآ أحد اللهم أني آسآلك .( بعدهآ قولوا الشي الي تبون تدعون فيه وقولوها اكثر بأختباراتكم وان الله يسهل عليكم ان شاءلله ^_~ آوكي

آلله يوفق الجميع بالاختبارات
ويوفقني ان شاءلله





خـ،ــ،ـ^_~ـ،ــ،ـرش
تقـ،ـ^_~ـ،ـوى القـ،ـلوب
رد مع اقتباس
الصورة الرمزية الغلا نجدي  
افتراضي

يسلمك ربي مشاركتك الاروع
رد مع اقتباس
إضافة رد

مواقع النشر (المفضلة)

الكلمات الدلالية (Tags)
التحقيق , غــــــرفة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:22 AM


جميع الحقوق محفوظة لمنتدى روعة الخليج @ 2014 - 2015